一别涯妹到茶阳，丢撇心肝丢撇娘，心肝好比细割子，割郎心肝割郎肠，

二别涯妹三河城，涯妹出来送郎行，脚踏码头出目汁，涯今过番打单行。

三别涯妹到大麻，大麻地方系繁华，王孙公子妹莫想，断妹莫贪别村花。

四别涯妹南坑乡，南坑相连芋茨糖，恭州磊塔系赌坳，三看英雅转原乡。

五别涯妹到高陂，丢撇心肝丢撇妻。好比竹须吞落肚，虐肠虐肚妹唔知。

六别涯妹到留隍，一个心肝挂两旁，一片心肝同妹讲，一片心肝记挂娘。

七别涯妹到头圹，头圹地方有名堂，茶水紧食肚紧喝，紧想心肝夜紧长。

八别涯妹到潮州，潮州水路急啾啾，潮州百花涯看过，唔当阿妹情甘有。

九别涯妹到汕头，看到洋船心就愁，一心都想回头转，海水漂漂难回头。

十别涯妹到了番，百般生理百般难，到处杨枚花一样，又没盘缠转唐山。